உன் ஞாபகம்

அந்திம நேரத்தின்
ஒரு தினத்தில்
உறங்காமல் பயணித்துக் கொண்டிருக்கும்
வேளையில்
காற்றில் கரைந்த
பேருந்தின்  பாட்டுகளுக்கிடையில்
உனது நினைவலைகளில்
ஒன்று
சத்தமின்றி உனதுடனான  
ஒரு பயணத்தை
ஞாபகபடுத்திச்   சென்றது
நான்   கேட்காமலே..

மாறுகிற மனது

இரண்டு  மணி நேரப் பயணம்

கஷ்டப்பட்டு

கூட்டத்தில் முன்னேறி இடம்பிடித்தேன்

வெட்கையான ஒரு பொழுது

களைப்புடன் பல முகங்கள்..

அவ்வப்போது

வயதான மூதாட்டிக்கோ! பாட்டிக்கோ!

இடம் கொடுத்து

உதவி செய்யும்  மனதிற்கு

இன்று இறக்கமில்லையோ?

சலனமற்று

இருக்கையில் அமர்ந்திருக்கிறேன்

ஒரு  சிறுமி 
கால் வலிக்க நின்று  வருகிறாள்

பேருந்துப்  புறப்பட்ட இடத்திலிருந்து...

இரசிப்பு

வழக்கம் போல் 

பயணம்

ஆனால் இன்றும் 

எனக்கு வாய்க்கவில்லை

எந்தப்  பெண்ணும்

என் பக்கத்தில்!

அது சினிமாவில்

மட்டும்தான்

சாத்தியம்  போல

இருப்பினும் 

முன் சீட்டில்

ஒற்றை ரோஜா

கலையாத   கூந்தல்

விரல்கள் சீவும் 

முன்பக்க தலை முடி

ஊதா  நிற 

உடையில் 

அவள்

அடிக்கடி

இதழில்  இருந்து உதிரும்  

சில வார்த்தைகள்

கூடவே  அவளின் தோழன்

இருந்தப் போதிலும்

யாரும் பார்க்கா வண்ணம்

காதுகள்   கேட்டுக் கொண்டிருக்கின்றன!   

கண்கள் பார்த்துக் கொண்டிருக்கின்றன!

அவள் 

அறிந்தும் அறியாமலே..

எனது தேவதை

 

வாரத்தின் இறுதி நாள் 

வழக்கம்போல்

ஒரு பயணம்

கண்கள் தேடும் 

கனவுத் தேவதை

இன்று வரைக்   கண்டதில்லை

எனக்கான  ஒருத்தி

எங்கோ பிறந்திருக்கிறாள்

என்று தெரியும்

சில சமயம்

ஒற்றை ரோஜாப்  பூவுடன்!

 நீண்ட கூந்தல்!

காதோரம் ஜிமிக்கி!

இப்படியான 

பெண்களை பார்க்கையில் 

எனது தேவதை

இவர்களின் 

தங்கையாகவோ

அக்காவாகவோ

இருப்பாள் என்று

என்ன தோன்றுகிறது.

கால் வலிக்கவில்லை

கம்பியைத் தாங்கியபடி

நின்றே செல்லும்

நெடுந்தொலைவுப்  பயணத்தில்

என் பக்கத்தில்

ஒரு

அழகானப் பெண் 

அமர்ந்திருக்கிறாள்..

முதல் பரிசு

 

உன் பெயரை

மட்டும்

எழுதினேன்

கவிதை போட்டியில்